ಶ್ರೀ ಶನಿಮಹಾತ್ಮ ದೇವಸ್ಥಾನ ಚಿಕ್ಕಮಧುರೆ

ಶ್ರೀ ಶನಿಮಹಾತ್ಮ ದೇವಾಲಯವು ಒಂದು ಪ್ರಸಿದ್ಧ ಯಾತ್ರಾ ಕೇಂದ್ರವಾಗಿದ್ದು, ನೆಲಮಂಗಲದಿಂದ  ಸುಮಾರು 14 ಕಿ ಮೀ ದೂರದಲ್ಲಿ ಈ ದೇವಾಲಯವಿದೆ. ಈ ದೇವಸ್ಥಾನವು ದೊಡ್ಡಬಳ್ಳಾಪುರ ತಾಲ್ಲೂಕಿನಲ್ಲಿ ಬರುತ್ತದೆ. ಹಾಗೂ ಬೆಂಗಳೂರಿನಿಂದ 45 ಕಿ.ಮೀ ದೂರದಲ್ಲಿ ಇದೆ. ಈ ದೇವಾಲಯದಲ್ಲಿ ಹಿಂದು ದೇವತೆಯಾದ ಶನಿ ದೇವರನ್ನು ಪೂಜಿಸಲಾಗುತ್ತದೆ.

ಮಧುರೆಯ ಶನಿ ದೇವರ ದೇವಾಲಯವು ದಕ್ಷಿಣ ಭಾರತದ ಶೈಲಿಯ ವಾಸ್ತುಶಿಲ್ಪವಾಗಿದೆ. ಈ ದೇವಸ್ಥಾನವು ದಕ್ಷಿಣ ಭಾರತದ ದೇವಾಲಯಗಳಂತೆ ಗೋಪುರಗಳನ್ನು ಒಳಗೊಂಡಿದೆ. ಹಾಗೂ ದ್ರಾವಿಡ ವಾಸ್ತು ಶೈಲಿಯ ಗೋಪುರಗಳಲ್ಲಿ ಅನೇಕ ಶಿಲ್ಪಗಳನ್ನು ಕೆತ್ತಲಾಗಿದೆ. ಈ ಶಿಲ್ಪಕಲೆಗಳು ಮನಸ್ಸಿಗೆ ಮುಟ್ಟುತ್ತವೆ.

ಈ ದೇವಾಲಯವನ್ನು ಗಂಗಾಹನುಮಯ್ಯ ಎಂಬ ರೈತನೊಬ್ಬ ನಿರ್ಮಿಸಿದನು. ಶನಿ ದೇವರು ಜನರ ಜೀವನದಲ್ಲಿನ ತೊಂದರೆಗಳನ್ನು ಶಮನಗೊಳಿಸಲಿ ಎಂದು ಈ ದೇವಸ್ಥಾನವನ್ನು ನಿರ್ಮಿಸಲಾಯಿತು.